Xocalı rayonunun Daşbulaq kəndində yaşayış evlərinin cari təmiri işlərini həyata keçirdiyini bildirən “Nihad 2024” MMC-nin rəhbəri Nəsimi Hətəmov uzun müddətdir gördüyü işlərin müqabilində “Paramount Construction” MMC-dən ödəniş ala bilmədiyini deyir.

Nəsimi Hətəmovun sözlərinə görə, “Nihad 2024” MMC “Paramount Construction” MMC ilə razılaşma əsasında Daşbulaq kəndində yaşayış evlərinin cari təmiri işlərini həyata keçirib. Lakin işlər başa çatdıqdan sonra şirkətə ödənilməli olan vəsaitin verilmədiyini bildirir.

Şikayətçi məsələ ilə bağlı əvvəlcə polisə müraciət etdiyini, 102 xidmətinə zəng etsə də, müraciətinin nəticəsiz qaldığını deyir. Bundan sonra o, problemini sosial şəbəkələrdə video müraciət vasitəsilə ictimailəşdirib.

Hətəmov bildirib ki, bundan sonra məsələ ilə bağlı müxtəlif şəxslərlə əlaqə saxlayıb və pulunun ödəniləcəyinə dair vədlər alıb. Onun sözlərinə görə, “Paramount Construction” MMC-nin rəhbəri Aynur Atabəy qızı Qiyasova və şirkətin Xankəndidəki nümayəndəliyində çalışan şəxslərlə də məsələni müzakirə edib.

Şikayətçinin iddiasına görə, “Tutto Bello” MMC-nin rəhbəri Anar Məmmədov da onunla görüşərək ödənişin həyata keçiriləcəyini vəd edib. Hətəmovun sözlərinə görə, daha sonra Anar Məmmədov ona zəng edərək nümayəndəlikdə Telman Kərimlinin videonu siləcəyi təqdirdə pulunun ödəniləcəyini bildirdiyini deyib. Lakin Hətəmov videonu sildikdən sonra da 10 gün ərzində ödəniş almadığını bildirir.

Milli Onkologiya Mərkəzi tibbi və digər avadanlıq və inventarların satın alınması üzrə 50,32 milyon manatlıq müqaviləni “Azəri Med” MMC-yə verib. Dövlət satınalmaları portalında satınalma metodu “açıq tender” göstərilsə də, prosedurun vahid internet portalında keçirilmədiyi və elektron satınalma olmadığı qeyd olunur.

“Azəri Med” son illərdə Milli Onkologiya Mərkəzinin iri satınalmalarının əsas qaliblərindən biridir. Portal məlumatlarına görə, 2019-cu ildən şirkətlə 36 müqavilə imzalanıb və onların ümumi dəyəri 289,5 milyon manatdan çoxdur. Təkcə 2024–2026-cı illərdə bağlanan müqavilələrin dəyəri 100 milyon manatı ötür.

Şirkətin adı uzun müddətdir Milli Məclisin deputatı Kəmaləddin Qafarovla əlaqələndirilir. Media araşdırmalarında “Azəri Med”in keçmiş hüquqi ünvanının Qafarov və ailə üzvlərinin qeydiyyatda olduğu ünvanla üst-üstə düşdüyü, eyni ünvanda Qafarovun ailəsi ilə əlaqələndirilən digər əczaçılıq şirkətlərinin də qeydiyyatdan keçdiyi bildirilir.

“Şuşa Şəhəri Dövlət Qoruğu İdarəsi” Şuşada yerləşən tarixi “Zərgər Məmmədin evi”nin əsaslı təmiri və bərpası üçün 1 milyon 379 min 100 manat dəyərində müqavilə imzalayıb.

Dövlət satınalmalarının vahid internet portalında dərc olunan məlumata görə, tenderin qalibi “Aqroman” MMC olub. 2020-ci ildə yaradılan şirkətin nizamnamə kapitalı cəmi 10 manatdır. Onun qanuni təmsilçisi Müzadil Rəfiyev xarici işlər nazirinin müavini Yalçın Rəfiyevin qardaşıdır.

Laçın şəhərində “LAÇIN” yazısının tikintisinə dövlət büdcəsindən 489 667,98 manat ayrılması planlaşdırılır. Müvafiq tender “Laçın rayonunda Bərpa, Tikinti və İdarəetmə Xidməti” publik hüquqi şəxsi tərəfindən elan edilib.

Dövlət satınalmalarının vahid internet portalında dərc olunan məlumata əsasən, satınalma “konstruksiyaların polad quraşdırılması işləri” kimi təsnif edilib. Layihəyə torpaq qazıntısı, qruntun daşınması, ekskavator və digər texnikanın istifadəsi, həmçinin quraşdırma işləri daxildir.

Click the preview to open the PDF.

Xülasə​

Bu hesabat Ağdam Sənaye Parkı və “Araz Vadisi İqtisadi Zonası” Sənaye Parkının rəsmi rezident reyestrinin (İqtisadi Zonaların İnkişafı Agentliyi, economiczones.gov.az) təsviri təhlilinə əsaslanır və iki əsas tənqidi məsələni qabardır: birincisi, rəsmi reyestrin rezident şirkətlərin son benefisiar mülkiyyətçilərini sistemli şəkildə açıqlamaması; ikincisi, faktiki investor coğrafiyasının Azərbaycanın xarici siyasət prioritetləri ilə üst-üstə düşən, lakin rəsmi “hər kəsə açıqdır” ritorikası ilə tam uzlaşmayan seçici xarakteri. Təhlil göstərir ki, hər iki parkda qeydə alınan 50-dən çox rezidentin böyük əksəriyyəti formal olaraq Azərbaycan hüquqi şəxsləri (MMC/QSC) kimi qeydiyyatdan keçib, bu da real sahiblik strukturunu ictimaiyyət üçün qeyri-şəffaf edir. Eyni zamanda, müəyyən edilə bilən xarici kapitallı rezidentlərin demək olar hamısı Türkiyə, Körfəz dövlətləri, türkdilli ölkələr və postsovet məkanından (o cümlədən Rusiyadan - Qərb sanksiyalarına baxmayaraq) gəlir, halbuki Avropa İttifaqı şirkətlərinin əksəriyyəti sorğularda maraq bildirsə də, faktiki investisiyaya çevrilməyib.

Click the preview to open the PDF.

Xülasə​

2020-ci il müharibəsindən sonra Azərbaycan dövləti Qarabağ və Şərqi Zəngəzurun bərpası üçün geniş hüquqi, institusional və maliyyə arxitekturası formalaşdırıb. Bu hesabat həmin arxitekturanı - Milli Prioritetlər, Böyük Qayıdış Dövlət Proqramı, vergi-investisiya güzəştləri və infrastruktur nəticələri daxil olmaqla - rəsmi sənədlər əsasında təsvir etməklə yanaşı, onu üç müstəqil məlumat kateqoriyası ilə tənqidi şəkildə müqayisə edir: (i) rəsmi demoqrafik hədəflərlə faktiki məskunlaşma göstəriciləri arasındakı say fərqləri, (ii) Hesablama Palatasının öz audit tapıntıları və (iii) müstəqil media araşdırmalarında sənədləşdirilmiş satınalma və keyfiyyət problemləri. Təhlil göstərir ki, elan olunan maliyyə icra faizi (~78–79%) ilə faktiki məskunlaşma tempi (~26,6%) arasında ciddi kəmiyyət uyğunsuzluğu mövcuddur; bu, təkcə statistik təsadüf deyil, bölüşdürmə ilə nəticə arasındakı institusional boşluğun kəmiyyətcə ifadəsidir. Hesabat bu boşluğun mümkün səbəblərini - satınalma rəqabətinin məhdudluğu, hesabatlılıq mexanizmlərinin zəifliyi və məlumatların fraqmentləşməsi daxil olmaqla - sistemləşdirir və şəffaflığın artırılmasına yönəlik tövsiyələrlə yekunlaşır.

Click the preview to open the PDF.

Xülasə​

Bu sənəd Azərbaycan Respublikasının Torpaq Məcəlləsi, “Torpaq islahatı haqqında” və “Torpaq icarəsi haqqında” Qanunları, habelə Qarabağ və Şərqi Zəngəzurda torpaqların fiziki şəxslərə istifadəyə və fermerlərə uzunmü ddətli icarəyə verilməsini tənzimləyən normativ-hü quqi aktların təhlili əsasında hazırlanmış Konsepsiya layihəsidir. Təhlil gö stərir ki, 1996-cı ildə həyata keçirilmiş ü mummilli torpaq islahatı - kənd təsərrü fatı torpaqlarının kənd əhalisinin əvəzsiz mü lkiyyətinə verilməsi prosesi - o dö vrdə işğ al altında olan Qarabağ və Şərqi Zəngəzur ərazilərini əhatə etməyib. Nəticədə bu ərazilərdə torpaqlar bu gü nədək dö vlət mü lkiyyətində qalır və hazırda yalnız müvəqqəti icarə əsasında istifadəyə verilir - biri sakinlərə gü zəştli şərtlərlə (Nazirlər Kabinetinin 26.12.2024-cü il tarixli 544 nö mrəli Qərarı), digəri isə investisiya mü sabiqəsi yolu ilə sahibkarlıq subyektlərinə (Prezidentin 27.11.2024-cü il tarixli 236 nö mrəli Fərmanı) olmaqla iki paralel mexanizm formalaşıb. Bu, ö lkənin qalan ərazilərindən fərqli, unikal hü quqi vəziyyət yaradır: Qarabağ və Şərqi Zəngəzur, mahiyyətcə, Azərbaycanın 1996-cı il torpaq islahatının “tamamlanmamış” son mərhələsini təşkil edir. Konsepsiya bu xü susi statusdan irəli gələn imkan və riskləri sistemləşdirir və mərhələli, prinsiplərə əsaslanan Torpaq İslahatı Konsepsiyasının işlənib hazırlanmasını təklif edir.