“Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”na uyğun olaraq 2026-cı ildə Ağdam şəhərində “İmarət” adlı stadionun inşası nəzərdə tutulur. Stadion üçün 19,2 hektar torpaq sahəsi ayrılıb.
UEFA-nın 4-cü kateqoriya tələblərinə uyğun inşa ediləcək stadionun 11 min 700 tamaşaçı tutumuna malik olacağı gözlənilir.
Azərbaycan Xalq Cəbhəsi Partiyasının (AXCP) yaydığı məlumata görə, partiyanın Masallı rayon şöbəsinin üzvü Əlixan Rəcəblini Masallı Rayon Polis İdarəsi saxlayıb. Məhkəmənin qərarı ilə onun barəsində 3 ay müddətinə həbs qətimkan tədbiri seçilib.
Bildirilib ki, Əlixan Rəcəblinə Cinayət Məcəlləsinin 234.1-ci maddəsi — satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə və daşıma — ilə ittiham irəli sürülüb. Qeyd olunan maddə üzrə 3 ildən 8 ilədək azadlıqdan məhrumetmə cəzası nəzərdə tutulur.
Repçi Elşad Xose bir neçə gün əvvəl Bayırşəhərdə aparılan söküntülərlə bağlı tənqidi video paylaşıb. O, videoda Bakıda həyata keçirilən söküntülərə etirazını ifadə edib.
Bundan sonra Elşad Xose polis əməkdaşları tərəfindən yaşadığı evdən Yasamal rayonu üzrə 27-ci polis şöbəsinə aparılıb. Polis şöbəsində bildirilib ki, həmin gün repçi Nizami metrosu yaxınlığında ictimai yerdə təhqiredici ifadələr səsləndirib. İddia olunub ki, polis əməkdaşları onu qaydaya dəvət etsələr də, Elşad Xosenin davranışı dəyişməyib və nəticədə o, saxlanılaraq polis şöbəsinə aparılıb.
Prezident İlham Əliyev dekabrın 23-də Ağdam şəhərində inşa edilən “Hilton Garden Inn Agdam” hotelinin açılışında iştirak edib. Bu, Prezidentin ailəsinə bağlı şirkətlərin Ağdamda istifadəyə verdiyi ikinci hotel layihəsidir.
Ümumi sahəsi 2 hektardan çox olan mehmanxana 3 blokdan ibarətdir və 2, 6 və 7 mərtəbəli binalarda yerləşən 127 otaq və 287 yerə malikdir. Hotelin infrastrukturuna restoran, ictimai-iaşə zonaları, iclas və tədbir zalları, ziyafət məkanları, qapalı hovuz və idman zalı daxildir.
Qlobal “Hilton” brend ailəsinə daxil olan “Hilton Garden Inn Agdam” layihəsi “TABIA Group” tərəfindən həyata keçirilib və Ağdamda daha əvvəl istifadəyə verilmiş “Aghdam City Hotel”dən sonra bölgədə açılan ikinci hotel kimi təqdim olunur.
Dekabrın 26-da Bakı Ağır Cinayətlər Məhkəməsində xaricdə yaşayan bir qrup bloqqer barəsində açılmış cinayət işi üzrə yekun məhkəmə prosesi keçirilib. Prosesə hakim Hüseyn Hüseynli sədrlik edib.
Məhkəmənin qiyabi hökmünə əsasən, hüquqşünas və bloqqer Qurban Məmmədov 14 il müddətinə azadlıqdan məhrum edilib. Digər bloqqerlər — Tural Sadıqlı, Süleyman Süleymanlı, Orduxan Bəbirov (Teymurxan), Orxan Ağayev, Rəfael Piriyev və Elşad Məmmədov isə 9 il həbs cəzası alıblar.
Dekabrın 22-də Bakı Ağır Cinayətlər Məhkəməsində “Meydan TV işi” üzrə həbs olunan şəxslərin növbəti məhkəmə prosesi keçirilib. Prosesə hakim Aytən Əliyeva sədrlik edib.
Məhkəmədə Dövlət Vergi Xidmətinin təqsirləndirilən şəxslərə qarşı 79 min 589 manat məbləğində mülki iddia qaldırdığı açıqlanıb. DVX-nin nümayəndəsi Fatimə Əhmədova prosesdə iştirak edib.
Vəkillər məhkəmənin ictimai əhəmiyyət daşıdığını əsas gətirərək audio və video çəkilişə icazə verilməsi barədə vəsatət qaldırsalar da, məhkəmə bu tələbi rədd edib.
Meydan TV-nin baş redaktoru Aynur Qənbərovanın (Elgünəş) istintaq zamanı götürülmüş əlillik və məcburi köçkünlük vəsiqələrinin qaytarılması ilə bağlı vəsatəti təmin olunub. Onun ev heyvanı ilə görüşmək barədə vəsatəti isə araşdırılması üçün aidiyyəti quruma göndərilib.
Construction” MMC Ağdam, Füzuli və Xocavənd rayonlarında Bərpa, Tikinti və İdarəetmə Xidməti ilə tender müsabiqəsi keçirilmədən birbaşa satınalma müqavilələri imzalayıb. Bu şirkətin imzaladığı tikinti layihəsinin ümumi müqavilə dəyəri 111,9 milyon manatı ötür. Bu yanaşma, dövlət satınalmalarında rəqabət mexanizmlərinin məhdudlaşdığına dair ciddi suallar yaradır.
Müqavilələrdən biri çərçivəsində şirkət Ağdam rayonunun Eyvazxanbəyli kəndində fərdi yaşayış evlərinin və mühəndis kommunikasiya sistemlərinin inşasını həyata keçirəcək, qarşılığında 61,7 milyon manat alacaq. Digər müqavilə isə Füzuli rayonunun Pirəhmədli kəndində yaşayış evləri və sosial obyektlərin – məktəb, uşaq bağçası, tibb məntəqəsi və əlavə infrastrukturun – tikintisini əhatə edir.
Avropa Parlamenti üzvləri (AP üzvləri) Azərbaycan hakimiyyətinin milli təhlükəsizlik müddəalarından məhkəmə təqibi aləti kimi sui-istifadə etməsini, eləcə də ifadə azadlığının, sülh təşəbbüslərinin və ictimai tənqidin cinayətləşdirilməsini qətiyyətlə pisləyirlər.
AP üzvləri Karl Universitetinin doktorantı Bəhrüz Səmədov və talış etnik azlığının tədqiqatçısı, Talysh National Academy News nəşrinin baş redaktoru İqbal Abilov da daxil olmaqla, bütün siyasi məhbusların dərhal və qeyd-şərtsiz azadlığa buraxılmasına çağırırlar. Onlar, həmçinin, digər iki akademikin — Qubad İbadoğlu və Fazil Qasımovun ədalətsiz və əsassız şəkildə məhkum edilməsini pisləyir və 1 dekabr 2025-ci il tarixində tanınmış müxalifət lideri Əli Kərimlinin həbsini ən sərt şəkildə qınayırlar.
Türkiyənin “Arenol Group” tikinti şirkəti Qarabağda həyata keçirdiyi layihələrə görə şirkətə çatmalı olan vəsaitlərin mənimsənildiyini, Azərbaycandakı əmlaklarının müsadirə edildiyini və şirkət rəhbərliyinin təhdidə məruz qaldığını iddia edir.
Bu iddialar “Arenol Group” şirkətinin direktoru Tolqa Şahin tərəfindən Türkiyə Prezidenti Rəcəb Tayyib Ərdoğana ünvanlanmış video müraciətdə səsləndirilib. Sözügedən müraciət sosial şəbəkələrdə geniş yayılıb.
Prezident İlham Əliyevin Sərəncamı ilə Fövqəladə Hallar Nazirinin müavini Teymur Mehdiyevin vəzifəsindən azad olunub. Teymur Mehdiyev oktyabrın 14-dən haqqında cinayət işi açılan Prezident Administrasiyasının sabiq rəhbəri Ramiz Mehdiyevin oğludur.